मर्नै लाग्या थिए रहर,जगाएर गयौ तिमी ।
मध्य राती निद्रा मेरो,भगाएर गयौ तिमी ।
चुम्यौ धेरै अधरभरी,अंगालोमा सजाएर
आँतै जल्ने गरी प्यास,लगाएर गयौ तिमी ।
नशा चढ्यो कुन्नी कस्तो,मदहोशी बनी ढलें
मदिरा त्यो त्यसैमाथि,मगाएर गयौ तिमी ।
बिपनीमा जस्तै लाग्यो,सपनीमा आ'की रै'छौ
पोखिएँछु छताछुल्ल,डगाएर गयौ तिमी ।
आलो नै छ सिरानी त्यो,ओभाएको छैन अझै
संझिसंझी रोएँ आँशु,बगाएर गयौ तिमी ।
No comments:
Post a Comment