सँग संगै चेपे नदी तरम सोल्टिनी,
तिमी मेरो म तिम्रो भर परम सोल्टिनी ।
हामी दुई एक अर्कामा जोडी बनेसी,
अरु भन्दा थोरै माथि सरम सोल्टिनी ।
यती भन्दै हात माथि हात राखेथेँ,
रातो पिरो मुहार उनको गरम सोल्टिनी ।
तिम्रो पनि मेरो पनि दिल खाली छ,
खाली दिलमा चोखो माँया भरम सोल्टिनी ।
दु:ख सट्नी सुख साट्नी हाँसो रोदन मा,
संगै बाँच्नी सँग संगै मरम सोल्टिनी ।
बनेसी = बनेपछी ।
No comments:
Post a Comment